ASANA

Asana betyr posisjonar i Kundalini Yoga. Desse posisjonane kan løyse opp eller stimulere ei muskelgruppe i kroppen. Dette løyser flyten av energi og stimulerer kjertlane og organa i kroppen. Øvelsane kan vere med å løyse opp på blokkeringar både på det fysiske og det mentale plan.

Bandha er lås-posisjonar i kroppen. Rotlås er å stenge alle opningar i underlivet, anus, urinrør, og seksualorgana.

Diafragma lås er å knytte navlen inn mot ryggrada og så trekke muskelen i mellomgulvet inn og oppover mot brystkassa.

Nakkelås er å halde haka litt inn mot brystbeinet.

Mahabandh er den store låsen, alle tre låsane vert haldne samstundes.

Mudra betyr ulike håndposisjonar.

I kundalini yoga har ein Gyan Mudra som er toppen av peikefinger og tommelfinger mot kvarandre. Dette forseglar kunnskapen.

Shuni mudra er tuppen av langfinger og tommelfinger mot kvarandre. Dette er forsegling av tolmodigheit.

Surya eller Ravi Mudra er tuppen av ringfinger mot tuppen av tommelfinger. Det betyr forsegling av sola, og livet og revitaliserer energien.

Budda mudra er tuppen av lisjefinger mot tuppen av tommelfinger, og betyr forsegling av mental styrke og klarheit. Det opnar opp for kapasaiteten til å kommunisere klart og intuitivt. 

Nakkelås (Jalahandar Bandh)

Dette er den fyrste, viktigaste og den mest vanlege låsen ein brukar. Den vert vanlegvis brukt i alle meditasjonar der ein chantar og også ved pusteøvelsar (Pranyama)

Kvar gong du held pusten inne eller ute set ein nakkelås.

Ein skal strekke nakken rett opp frå ryggrada og skubbe ansiktet inn mot nakken slik at ein får ei lita dobbelthake. Ansiktet skal vende forsiktig nedover mot brystbeinet. Hovudet skal vere sentrert, ikkje tilta framover eller til side. Musklane i nakken og halsområdet skal vere avslappa.

Effekten av nakkelåsen er at den forseglar energien som er i dei øvre delane av hjernestammen. Den endrar og balanserar blodtrykket, som av og til kan stige under pusteøvelsar og i ulike posisjonar.

Nakkelås skapar refleksar som stimulerer og balanserer skjoldbrukskjertelen og biskjoldbrukskjertelen som ligg nedgravd i eller i nærleiken av skjoldbrukskjertelen.

Utan nakkelås kan den praniske energien flyte til øyrene eller augene eller andre plassar. Ved å halde nakkelåsen vert hjarte roa ned og flyten av energi normal.

Jala- referer til veska som flyt i hjerna, dhar referer til dei opne kanalane som gir god flyt til hjerna sine gjennomstrømmingar av vesker. Hypofysen, hypothalamus og kongekjertelen eller pinealorganet som er på storleik med ei lita ert som sit plassert over mellomhjerna, vert stimulert. Eit av stoffa som vert stimulert er blant anna melatonin, som er viktig for døgnrytmen i kroppen.

Diafragma lås-Uddiana bandh

Namnet diafragma eller Uddiana som det vert kalla på Sanskrit betyr «å fly opp». Energien frå nedre del av magen som stig opp i rytme med pusten.

Diafragma eller mellomgulvet, lagar ei barriere mellom øvre delar av brystkassa og den nedre bukhula (abdomen). Det er ein fysisk muskulær barriere i like stor grad som det er ei energisk barriere. Ein seier også at det er psykologiske barrierer i dette området.

I flukt med pusten vil røyrslene av mellomgulvsmusklane svinge energien rundt i dei mitre delane av kroppen. Funksjonen og røyrslene på undersida av mellomgolvet seier ein er meir ubevisste og reaktive, medan røyrslene over mellomgulvet er meir bevisste og fleksible.

Uddiyana bandh kryssar midtlinja i kroppen vår, vertikalt integrere den kjenslemessige kvalitetar og tillet sirkulasjon av den praniske energien inn i den sentrale kanalen som ein kallar SUSMUNA.

For å gjere Diafragma låsen, eller mellomgulvs låsen må ein puste ut all pust, altså tømme lungene fullstendig for luft. Ein løftar muskulaturen frå navlen og oppover og drar magen inn mot ryggrada. Ein må aldri synke i hop i brystkassa når ein gjer denne låsen. Forsiktig pressar ein den nedre delen av brystkassa og ryggrada framover. Hold kraftig fast på løftet imellom 10 og 60 sekund. Ikkje press. Hold denne mellomgulvslåsen med ein indre roleg likevekt.

Løys opp på låsen ved å slappe av i mellomgulvet og gradvis innhalere pusten.

Uansett om du gjer denne øvelsen sittande eller ståande vil denne mellomgulvslåsen massere tarmane og hjartemuskulaturen. Den er rensande og fremjer ungdomlegheit, og senker degenerarande alderstrekk. Den hjelper på å halde på energien i månesenteret. Uddiyana bandh hjelper å forbetre og bevare energieane i frå solar senteret til solar plexus.

Vennlegheit, lidenskap og tolmod vert lettare å få fram når mellomgulvet vert styrka og hjartesenteret opna.

Rotlås eller Mulbandh

Dette er den mest komplekse av desse tre låsane. Den fungerer som ein hydraulikkslange nedst i ryggrada. Den koordinerer, stimulerer og balanserer energien som er involvert rundt anus, dei seksuelle organa og navle punktet.

Den omdirigerer overflødig seksuell energi til kreativitet og kroppslege reperasjonar.

Er det mangel på seksuell energi hjelper denne låsen å korrigere den.

Denne låsen vert ofte brukt i enden av ein øvelse for å utkrystallisere effekten. Den vert ofte brukt i samband med nakkelås.

Fyrst trekk ein saman endetarmsopnningen, ein kjenner at musklane drar opp og innover. Så snart desse musklane er aktivert drar ein saman musklane rundt seksualorgana, skjeden for kvinner og penisrot for menn, og urinrøret. Ein kjenner eit løft bak skambeinet. Det er som å halde urinveska fast i urinrøret.

Desse tre samantrekningane opptrer saman i ein glatt, rask, flytande bevegelse som vert kalla rotlås.

Rotlås er anleis enn mellomgulvs låsen ved at ein brukar navleområdet når ein løftar. Det gjer ein ikkje med mellomgulvslåsen. Rotlås vert som sagt brukt mest til å avslutte enkeltøvelsar og meditasjonar.

Rotlåsen aktiverar Prana og Apana ved navlesenteret. Mulbandh eller rotlås dirigere apanaenergien opp til navlepunktet i staden for å gå ut i rotchakra slik den normalt vil gjere. Der vil den møte Pranaenergien som er på veg nedover, i navlepunktet. Når desse møtes vil det oppstå ein varme, som igjen vil opne inngangen til Sushmuna som er hovudkanalen for Kundalinienergien som kan straume opp igjennom ryggrada. Spinalveska vert sett i røyrsle. S.109 (Bhajan, 2013)Manualen.

Kroppslås-Mahabandh

I den store kroppslåsen er alle desse tre låsane tatt i bruk. Denne låsen vert brukt etter øvelsar og ulike meditasjonar. Når denne låsen vert brukt korrekt kan kroppen gå inn i ein sjølv- healande tilstand. Kroppen reparer rett og slett seg sjølv. Den kan hjelpe for menstruasjonskramper, dårleg sirkulasjon av kroppsvesker, og til og med plagsomt tankekøyr.

Å bruke kroppslås hjelpe deg til å jobbe deg igjennom mentale blokkeringar og traumer. Den vil hjelpe deg til å auke din mentale kapasitet. Det krev disiplin, uthaldenheit og konsentrasjon for å gjennomføre desse øvingane. 

Muskulatur vi sjeldan eller aldri snakkar om

Nokon vert flaue og brydde når ein snakkar om indre muskulatur, særleg når ein snakkar om rotlåsen og dei seksuelle organa våre. 

Du gjer deg sjølv ein stor teneste om du forsøker å ta imot kunnskapen med eit open sinn. Unngå å dømme, slapp av og lytt heller til kroppen. 

Kvinner som ikke har trent den indre muskulaturen kan kjenne dette ved at ein "tissar på seg" når ein ler eller nys, får nedsigen bekkenbunn eller får bekkenbunnsprolaps. Ein kan hjelpe seg sjølv med å få kontakt med denne muskulaturen.

Menn kan oppleve ereksjonsvanskar og lite energi, å kontrollere den indre muskulaturen gjev kraft og betre kontroll.